​Iwapi Jesus Jerusaleming gi-ija, nawaii Samariing, Glilieing gaie gi-ani-bimossed.  Ani-pindiged dash bejig odenang, midasswi ininiwan weminginidjin o gi-nagishkagon.  Wassa gi-ondji-nibawiwag, o gi-ganonawan dash gi-inawad: Jesus, Kekinoamageian, jawenimishinam!  Ga-wabamad dash o giinan: Madjag, pagidjigewininiwag awi-wabandaig kiiawiwan.  Megwa dash ani-bimossewad gi-binisiwag.  Bejig dash waiabandang gi-binisid, gi-ajegiwe, e****owed gi-kitchitwawinad Kije-Maniton; gi-aniapagiso dash Jesusan osidaning, gi-mamoiawamad.  Samariwininiwi dash aw, (mi sa Samariing dajiinini.)  Jesus dash o gi-inan: Kawin na midadatchissiwag ga-binisidjig?  Anindi igiw jangasswi?  Kawin na****wiia tchi bi-ajegiwed, tchi kitchitwawinad Kije-Maniton, mi eta mabam meiagisid?  O gi-inan dash Jesus: Pasigwin, madjan; ki debweiendamowin ki gi-nodjimoigon. 

​

Ningoting dash Jesus bi-dagwishin Samariing; Jakob dash od ondaiban ima aiamagadini.  Jesus dash aiekosid gi-bimossed, ima nakawe namadabi ondaibanig, nengotwasso-dibaiganeg.  Bejig dash ikwe odenang Samariing bi-ondjiba bi-nibinadid.  Jesusan dash od igon: Minaishin nibi.  (Kikinoamaganagg dash gi-madjabanig odenang, wi-gishpinadowad midjim.)  Aw dash ikwe od inan Jesusan: Anin iw nendotamawiian Judawininiwiian, tchi minainan nibi nin Samariing endaji-ikwewiian?  Kawin sa Judawininiwag o gaganonassiwawan Samariwininiwan.  Jesusan dash od igon: Kikendamamban gaie aiawid aw nendotamok tchi minaad nibi, gonima ki da-gagwidjima, ki da-minig dash bemadak nibi.  Ikwe dash od inan: Debendjigeian, kawin gego kid aiossin tchi gwabaamamban, ondaiban dash ginwanikade; anindi geondinamamban iw bemadak nibi? Awashime na kid apitendagos, nossinan Jakob epitendagosid ga-mijii-angid mandan odaiban?  Win tibinawe gi-ondji-mi-nikwe, onidjanissan gaie gi-ondji-minikwewan, od awakana gaie.  Jesusan dash od igon: Awegwen giminikwegwen mandan nibi, minawa ta-nibagwe; awegwen dash ge-minikwegwen nibi, nin ge-minak, ka wika minawa ta-nibagwessi...Ikwe dash od inan: Debendjigeian, mijishin iw nibi, wika tchi nibagwesiwan; kawin dash minawa o**a nin ga-bi-ijassi tchi wi-nibinadiian.  Jesusan dash od igon: Madjan, ki widigemagan nandom, bi-ijakan dash minawa.  Ikwe dash ikito: Kawin nind owidigemaganiisi.  Od igon dash Jesusan: ki debwe iw ikitoian: Kawin nind owidigemaganissi.   gi-nananiwag ga-widigemadjig; aw gaie nongom aiawad inini, kawin kid kid owidgemaganissinan.  Geget ki debwe.  Ikwe dash od inan: Debendjigeian, nin wabandan nongom niganadjimowininiwiian.  Nossinanig oma wadjiwing o gi-ana-mietawawan Kije-Maniton; kinawa dash kid ikitom, mi ima Jersualeming ge-daji-anamietawangiban.  jesusan dash od igon:  Ikwe, debwetawishin, ta-odji-tchissemagad iw, kawin oma wadjiwing, kawin gaie Jersualeming *eta tchi anamietawassiwe Weossi-mind.  kawin kinawa ki kikendansinawa anamietameg; nin kikendamin dash ninawind iw enamietamang; Judawininiwag sa aiawad mi ima wendjibamagak jawendagosiwin.  Dibaigan ta-odjitchisse, nongom odjitchisse, api gwaiak enamianidjin tchi anamietagon Weossimind otchitchagomang, debwewining gaie; mi onow dowan mendawenimadjin Weossimnd tchi anamietagod....Ikwe dash od inan: Nin kikenda tchi dagwishing Messias, (mi sa Jesus Krist ga-bimadjiinang;) api dash ge-dagwishing, kakina nin ga-windamagonan.  jesusan dash od igon: Nin sa nind aw, genoninan nongom.  

     Mi dash iwapi degwishininid Jesus o kikinoamagana; o mamakadenimigon dash gaganonad ikwewan; kawin dash od iggosin; Wegonen wendjiganonad?  Aw dash ikwe o nagadan ima o nimibagan, odenang dash ija, ow od inan ima eianidjin: bi-ijag, bi-wabamig inini; minik ga-bi-ijiwebissian, nin gi-windamag; mi na win Krist awid? - Mi dash bi-sagaamowad odenang nasikawawad.  

     Kikinoamaganag dash od inawan: Kekinoamageian, wissininl  win dash ikito: nind aian midji** Madjiian, kekendansiweg.  aidiwag dash: Awiia na o gi-bi-ashaman?  Jesus dash od inan: Mi sa iw nin midjimim tchi ijitchigeian enendang aw ga-bi-inina-jaod, tchi gijitoian od inanokiwin.  

     Kitchi nibiwa dash Samariwininiwan o gi-deb-wetagon Jesus, gi-dibadjimigod ikwewan, gi-inadji-monid: Kakina nin gi-windamag ga-bi-ijiwebisiian: O gi-pagossenimigon dash, ima odenang Samariing tchi aianid.  Nijogwan dash Jesus ima gi-aia: Nawatch dash nibiwa o gi-debwetagon, win tibinawe od ikitowin gi-nondaminid.  O gi-inawad dash iniw ikwewan: Nongom nin debwetamin, kawin kin kid ikitowin ondji; tibinawe sa ninawind nin nondawanan; nin kikendamin aw geget Krist awid, ge-bimad-jiad anishinaben.